Էկվադորի բանտում բախումների հետեւանքով ավելի քան հարյուր մարդ է զոհվել, որը գտնվում է արեւմտյան Գուայակիլ քաղաքում: Այս մասին մամուլի ասուլիսին հայտարարել է հանրապետության նախագահ Գիլյերմո Լասոն:
«Սա շատ ողբերգական իրադարձություն է: Այս պահին հայտնի է 116 զոհի եւ մոտ 80 վիրավորի մասին: Նրանք բոլորը բանտարկյալներ են»,- ասաց նա:
Երկրի ղեկավարի խոսքով՝ հրամանագիր է ստորագրվել, որով երկրի քրեակատարողական համակարգում 60 օրով արտակարգ դրություն է հայտարարվում՝ կարգուկանոնի վերականգնման եւ բռնության նոր միջադեպերի կանխման նպատակով:
«Մենք հատուկ տեղեկատվություն չունենք մեկ այլ քրեակատարողական հիմնարկում սպառնալիքի մասին, բայց դա սպասելի է՝ հաշվի առնելով այն, ինչ տեղի ունեցավ այս բանտում եւ մեկ -երկու տարի առաջ՝ այլ բանտերում»,- հավելել է պետության ղեկավարը:
Ըստ իշխանությունների՝ փոխհրաձգության պատճառը տարբեր խմբավորումների ներկայացուցիչների միջեւ հակամարտությունն էր: Մինչ այժմ բանտում իրավիճակը վերահսկողության տակ է վերցվել:
Նախօրեին հանցավոր խմբավորումների անդամների միջեւ փոխհրաձգություն էր տեղի ունեցել Էկվադորի Գուայաս նահանգի մեկ այլ բանտում: Վթարի զոհ է դարձել 24 մարդ:
