Բելառուսն ստացել է ռուսական БТР-82А զրահամեքենաների առաջին խմբաքանակը, երկրորդ խմբաքանակը կստացվի այս տարվա նոյեմբերին։ Այս մասին տեղեկացնում է ՏԱՍՍ-ը։

«Մինսկի Օզերիշչե երկաթուղային կայարան է եկել «Արզամասի մեքենաշինական գործարան» ԲԸ արտադրության БТР-82А զրահամեքենաների առաջին խմբաքանակը։ Նոր զրահատեխնիկայի հիմնական մասը կմտնի Բելառուսի 120-րդ առանձին մեքենայացված բրիգադի սպառազինության մեջ։ БТР-82А-ի մի քանի միավոր կստանան 72 ՄՈւԿ-ը (Միավորված ուսումնական կենտրոն) եւ Բելառուսի Ռազմական ակադեմիան»,- տեղեկացրել են պաշտպանական գերատեսչությունում։