Խափանումները Facebook-ում, Instagram-ում եւ WhatsApp-ում կարող են օգնել հասկանալ կախվածությունն ինտերնետից, իսկ դա խնդրի լուծման առաջին քայլն է, ընդ որում՝ մարդիկ, ովքեր հիպերխնամքի հակվածություն ունեն, կարող են բարձր տագնապայնություն զգալ, քանի որ չեն կարողանա զանգահարել մերձավորներին, ՌԻԱ «Նովոստի»-ին ասել է հոգեբան, գրող եւ հաղորդավար Միխայիլ Խորսը։

«Ժապավենի դիտումից կախվածություն ունեցող մարդկանց մոտ այնպիսի վիճակ կլինի, ասես զբաղվելու բան չունեն, կարծես ինչ-որ դատարկություն է գոյացել, բայց դա նրանց այնքան էլ տրավմայի չի ենթարկի»,- ասել է Խորսը։

Նա պարզաբանել է, որ դատարկության այդ զգացողությունը կարող է անգամ օգտակար լինել, քանի որ կհանգեցնի այն գիտակցմանը, որ կա կախվածություն սոցիալական ցանցերից։ Իսկ դա արդեն խնդրի լուծման քայլ է, քանի որ կախյալ մարդկանց մեծ մասը ժխտում է իր կախվածությունը, նշել է Խորսը։

Ընդ որում, նրա խոսքով՝ բարձր տագնապայնություն հնարավոր է այն մարդկանց մոտ, ովքեր հակված են հիպերխնամքի, քանի որ նրանք չեն կարողանա օպերատիվ կերպով կապվել իրենց մերձավորների հետ։ Սակայն այս խնդիրը պետք է լուծել նախապես՝ պատրաստվել եւ հասկանալ, որ նման իրավիճակ՝ կապված սոցցանցերի աշխատանքի խափանման հետ, կարող է պատահել ցանկացած պահի, ընդգծել է Խորսը։

Երկուշաբթի գրանցվել են զանգվածային խափանումներ Facebook-ի, Instagram-ի եւ WhatsApp-ի աշխատանքում։ Այնուհետեւ օգտատերերը սկսել են տեղեկացնել այլ սերվերների աշխատանքի խափանումների մասին, որոնց մեջ էին Telegram-ը, Twitter-ը, Google-ը եւ TikTok-ը։