Կանադայում կինը պետք է 60 000 դոլար վճարի այն բանից հետո, երբ պաշտոնատար անձինք հայտարարել են, որ նա խախտել է Բրիտանական Կոլումբիայի վայրի բնության մասին օրենքը: Խախտման էությունն այն է, որ նա կերակրել է սեւ արջերին:
Իշխանությունները պարզել են, որ կինը սեւ արջերին կերակրել է 2018 թվականի ամռանը: Նա ամեն շաբաթ արջերի համար ուտելիք է գնել, ասում են իշխանությունները: «Այդ թվում՝ մինչեւ 10 արկղ խնձոր, 50 ֆունտ գազար եւ մինչեւ 150 ձու է գնվել ամեն շաբաթ արջերին կերակրելու համար»,- ասվում է Nature Conservancy-ում: «Այս գործողությունները բացառիկ վտանգ են ներկայացնում հանրային անվտանգության համար»:
Վայրի բնության պահպանման ծառայության ներկայացուցիչները քնեցրել են երեք արջերի, որոնք այցելում էին բնակելի տարածք: Պաշտոնյաներն ասել են, որ նրանք վնասում էին գույքը եւ չէին վախենում մարդկանցից: Արջերը սովորել են կնոջից սնունդ ստանալ, ուստի նրանց չէր կարելի վերականգնել կամ տեղափոխել:
«Վտանգավոր վայրի կենդանիներին, ինչպիսիք են արջերը, անօրինական կերակրելը չափազանց վտանգավոր է: Եթե արջերը սովորեն մարդկանց ասոցացնել սննդի հետ, դա սպառնալիք կստեղծի հանրության անվտանգության համար»:
Պաշտոնատար անձինք հայտարարել են, որ 60 000 դոլարը Վայրի բնության մասին օրենքով սահմանված ամենաբարձր տուգանքն է:
