Սեղանի դարակում հայտնաբերված 16-րդ դարի սկուտեղը վաճառվել է ավելի քան 1.7 մլն դոլարով, հաղորդել է UPI.com-ը:
Բրիտանական Lyon & Turnbull աճուրդի տունը հայտնել է, որ եվրոպական կերամիկայի գծով մասնագետը ուսումնասիրել է Շոտլանդիայի սահմանին գտնվող մի առանձնատան իրերը, երբ դարակում հայտնաբերել է սկուտեղը:
Ենթադրվում է, որ Սամսոնի եւ Դալիլայի մասին աստվածաշնչյան պատմության տեսարաններով սկուտեղը ստեղծվել է կավագործ Նիկոլա դա Ուրբինոյի կողմից 1520-1523 թվականներին:
Իտալական կավե սպասքը աճուրդի տան կողմից նկարագրվել է որպես «աներեւակայելի հազվագյուտ» իր: Ակնկալվում էր, որ այն կվաճառվի 109.000 դոլարից մինչեւ 163.000 դոլար գնով: Սակայն սկուտեղը գերազանցել է սպասելիքները եւ առցանց աճուրդում վաճառվել 1.721.000 դոլարով:
