News
Լրահոս
News
Չորեքշաբթի
Դեկտեմբեր 01
Տեսնել լրահոսը

Ամերիկայի հայկական համագումարը (Համագումար) դեմ է Թուրքիային 40 հատ F-16 կործանիչ վաճառելուն՝ շեշտելով, որ դա այն նույն ինքնաթիռն էր, որը կիրառվեց հայ ժողովրդի դեմ անցյալ տարվա աշնան Արցախյան 44-օրյա պատերազմի ժամանակ, որը սանձազերծվեց Ադրբեջանի կողմից՝ Թուրքիայի լիակատար աջակցությամբ:

Համագումարից NEWS.am-ին հայտնում են, որ արբանյակային լուսանկարները հաստատում են, որ F-16 կործանիչները գաղտնի կերպով տեղակայվել էին Ադրբեջանում պատերազմից առաջ, որի ժամանակ նաև ակնհայտ էր թուրքական հարվածային անօդաչու թռչող սարքերի մեծաքանակ կիրառում Արցախում հայ ժողովրդի դեմ:

Ըստ բազմաթիվ լրատվամիջոցների, միլիարդավոր դոլարների գործարքը գտնվում է Արտաքին ռազմական վաճառքի գործընթացում և անհրաժեշտ կլինեն հաստատումներ ԱՄՆ Պետդեպարտամենտի և ԱՄՆ Կոնգրեսի կողմից, որոնք երկուսն էլ իրավունք ունեն արգելք դնել վաճառքի վրա:

«Կոնգրեսը և ամերիկացի ժողովուրդը գիտեն, որ Էրդողանի ռեժիմը Թուրքիայում դարձել է ոչ միայն անվստահելի դաշնակից, այլև դավաճանական վտանգ ԱՄՆ-ի շահերի և մարդու իրավունքների համար՝ տարածաշրջանում և գլոբալ մակարդակով»,– ասացին Համագումարի համանախագահներ Վան Գրիգորյանն ու Էնթոնի Բարսամյանը: «F-16-ների օգտագործումը՝ քրիստոնյա հայերի դեմ ցեղասպանական հարձակումներն առաջ մղելու համար, համագործակցելով Ադրբեջանի բռնապետ Ալիևի ռեժիմի հետ՝ այն չէ, ինչին ԱՄՆ-ն պետք է սատարի»:

Թուրքիայի նախագահ Ռեջեփ Թայիփ Էրդողանի այս վերջին քայլը արվում է նրանից հետո, երբ Թուրքիային թույլ չտրվեց գնել ավելի քան 100 F-35 դժվար հայտնաբերվող կործանիչներ՝ ի պատասխան Անկարայի կողմից ռուսական S-400 հակահրթիռային պաշտպանության համակարգերի ձեռքբերման, ինչը ԱՄՆ պատժամիջոցների պատճառ դարձավ: Մինչ Միացյալ Նահանգները զգուշացրել է Էրդողանին՝ դադարեցնել լրացուցիչ ռուսական զենքերի ձեռքբերումը, Էրդողանը հրապարակայնորեն հայտարարել է, որ գնելու է S-400-ների հերթական խմբաքանակ:

Ռուսաստանի նախագահ Վլադիմիր Պուտինի հետ վերջերս Սոչիում կայացած հանդիպման ժամանակ Էրդողանը՝ Ռուսաստանի հետ թուրքական ռազմական համագործակցությունը որակեց որպես «ծայրահեղ կարևոր»: Ավելին, անցյալ ամիս Նյու Յորքում ՄԱԿ-ի Գլխավոր ասամբլեայի նիստին գտնվելու ժամանակ, Էրդողանը CBS News-ի թղթակից Մարգարեթ Բրենանին տրված հարցազրույցում ասել էր, որ կշարունակի ձեռք բերել ռուսական պաշտպանական համակարգեր, և «ոչ ոք չի կարող խառնվել դրան»: Նա հավելեց. «Ապագայում ոչ ոք չի կարող միջամտել այն հարցին, թե ինչպիսի պաշտպանական համակարգեր ենք մենք ձեռք բերում, որ երկրից, ինչ մակարդակի վրա: Ոչ ոք չի կարող միջամտել դրան: Մենք միակ նման որոշումներ կայացնողներն ենք»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քնելուց առաջ հիշեք, որ մոտ 100 հերոսի աճյուն դեռ դիահերձարաններում է՝ տոպրակներում՝ առանց ինքնության հաստատման․ Աշոտյան
«Շատերի համար տղաների տատուներն իրենց ծնողների համար դարձել էին սառնարաններում գտնվող որդիներին հայտնաբերելու վերջին հույսը»․․․
Իրանը չի հրաժարվի Հայաստանի տարածքով դեպի Սեւ ծով ելքից. ռուս փորձագետը նշել է պատճառը
Թեհրանը բավականին հետեւողական է գործում, եւ նրա համար ձեռնտու չէ ...
Ռուսաստանցի փորձագետ. Ղարաբաղի վերաբերյալ Աշխաբադի պայմանավորվածությունների իրականացումը քիչ հավանական է
«Այս պայմաններում յուրաքանչյուրն իր համար փորձում է իրավիճակից դուրս գալու օպտիմալ ելքը գտնել»,-ասաց նա․․․
ՀՔԱ Վանաձորի գրասենյակի իրավաբանները գերեվարված զինծառայողների գործերով ՄԻԵԴ են դիմել
Մեկ զինծառայողի գործով ՄԻԵԴ-ը հրատապ միջով կիրառելու մասին որոշում է կայացրել․․․
Հովիվները դաշտերից գալիս, ասում են՝ թուրք չկա. գյուղապետը չի հաստատում, որ հակառակորդը հետ է քաշվել Իշխանասարի դիրքերից
Չեն երեւում այդ մարդիկ…
Ծավ գյուղում գործող հացի արտադրամասը ստիպված է եղել 50%-ով կրճատել արտադրանքի ծավալները. ՄԻՊ
Ուստի, ելքը հստակ է՝ ադրբեջանական զինված կամ այլ ծառայողներ մեր համայնքների հարևանությամբ կամ համայնքների միջև ճանապարհներին չպետք է լինեն...
Ամենաշատ