Էլեկտրոնային հարթակները համաձայնել են կատարել իրենց հարկային պարտավորությունները: Այս մասին հոկտեմբերի 14-ին Կառավարությունում լրագրողների հետ զրույցում ասաց ՀՀ Պետական եկամուտների կոմիտեի նախագահ Ռուստամ Բադասյանը:
Ըստ նրա՝ խոսքը YouTube-ի, Google-ի, Facebook-ի եւ այլ հարթակների մասին է:
«Օրինակ, եթե ինչ-որ մեկը գովազդ տեղադրի սոցցանցում, ապա ֆիզիկական անձի կյանքում ոչինչ չի փոխվի: Հարկերը վճարում է տվյալ սոցիալական ցանցը»,- պարզաբանեց նա:
Բադասյանը հայտնեց, որ ՊԵԿ-ի առջեւ հավակնոտ խնդիր է դրված: «Դրա նպատակն է պարտք/ՀՆԱ հարաբերակցության բարելավումը 0.9 տոկոսային կետով: Ընդ որում, 0.5 տոկոսային կետը նախատեսում ենք բարելավել վարչարարության շնորհիվ»,- հավելեց պաշտոնյան:
