Մոտ ապագայում ԻՀՊԿ Ռազմածովային ուժերը կստեղծեն 200 կմ հեռահարությամբ ծովային թեւավոր հրթիռներ, որոնք ունակ են խոցել ընթացքի մեջ գտնվող նավերը, Այդ մասին հայտարարել է Իսլամական հեղափոխության պահապանների կորպուսի գլխավոր հրամանատար, գեներալ մայոր Հոսեյն Սալամին, հաղորդում է Mehr-ը:
«Օգտագործելով ռադիոէլեկտրոնային պայքարի ժամանակակից համակարգերը՝ ԻՀՊԿ Ռազմածովային ուժերին հաջողվել է ստանալ Պարսից ծոցի եւ Հորմուզի նեղուցի աշխարհագրության շուրջ լիարժեք հսկողություն, ինչն այսօր մեր նավատորմի պարգեւներից մեկն է»,-հավելել է նա:
Նրա խոսքով՝ ԻՀՊԿ Ռազմածովային ուժերին հաջողվել է նշանակալի առաջընթաց գրանցել, հատկապես ժամանակակից նավերի, մեծ հեռահարության անօդաչու թռչող սարքերի ու ծովում տեղակայված կառավարվող հրթիռների արտադրության հարցում վերջին երեք տարիների ընթացքում: «200 կմ հեռահարությամբ ծովային թեւավոր հրթիռները, որոնք ունակ են խոցել ընթացքի մեջ գտնվող նավերը, կստեղծվեն առաջիկայում»,-նշել է նա:
