Եվրոպայում գազի նոյեմբերյան ֆյուչերսների արժեքն ըստ հոլանդական TTF ինդեքսի՝ կազմել է 1033,9 դոլար հազար խորանարդ մետրի դիմաց: Մոսկվայի ժամանակով ժամը 09։32-ին գինը նվազել է մինչեւ 983.5 դոլար, իսկ 09։37-ի դրությամբ՝ աճել է մինչեւ 1005.7 դոլար՝ հազար խորանարդ մետրի դիմաց, ինչը 10.5%-ով ցածր է նախորդ առեւտրային օրվա գնահատված գնից, գրում է «ՌԻԱ Նովոստին»:
Ուրբաթ օրը առեւտուրը փակվել է հազար խորանարդ մետրի դիմաց գրեթե 1,065 դոլարով, իսկ գնահատված գինը՝ 1123,3 դոլար: Եվրոպայում գազի գները կտրուկ բարձրացել են վերջին ամիսներին: Դեռ օգոստոսի սկզբին հոլանդական TTF ինդեքսով մոտ ապագայի գնահատված գինը կազմում էր մոտ 515 դոլար հազար խորանարդ մետրի դիմաց, իսկ սեպտեմբերի վերջին այդ ցուցանիշն ավելի քան կրկնապատկվել էր: Առավելագույն գնահատված գինը` հազար խորանարդ մետրի դիմաց գրեթե 1400 դոլար, հասել է հոկտեմբերի 5-ին: Ընդ որում, հոկտեմբերի 6-ից գազի գները համաշխարհային շուկայում սկսել են նվազել՝ հասնելով պատմական առավելագույնի՝ հազար խորանարդ մետրի դիմաց 1937 դոլարի: