Թուրքիայի քրդական «Ժողովուրդների դեմոկրատական» կուսակցության հայ պատգամավոր Կարո Փայլանը խիստ քննադատության է ենթարկել  Թուրքիայի տնտեսական բլոկի պատասխանատուներին։

Թուրքական Haberler–ի փոխանցմամբ՝ Կարո Փայլանը  շեշտել է, որ Թուրքիայում տնտեսական հիմնական սխալը ֆինանսավորման տոկոսադրույքների իջեցումն է, որի հետեւենաքով դոլարն անընդհատ բարձրանում է, որին հետեւում են ապրանքների ու ծառայությունների թանկացումները։

Կարո Փայլանը հիշեցրել է Էրդողանի փեսայի արած սխալները եւ շեշտել, որ նույն սխալները շարունակվում են հիմա։ Նա Թուրքիայի տնտեսությունը համեմատել է հիվանդանոցի վերակենդանացման բաժանմունքում պառկած հիվանդի հետ։