Ճապոնիայի բանկը (Կենտրոնական բանկ) երկուշաբթի օրը սկսել է թողարկել նոր 500 իեն արժողությամբ (4,4 դոլար) մետաղադրամներ: Այս մասին ասվում է կարգավորիչի կայքում տեղադրված հաղորդագրության մեջ։
Մետաղադրամի դիզայնը միայն փոքր-ինչ փոխվել է՝ համեմատած նախորդի հետ, որը շրջանառության մեջ է դրվել 21 տարի առաջ։ Այժմ այն թողարկվում է երկու գույներով եւ ունի փորագրված եզր: Նշվում է, որ սա շատ ավելի արդյունավետ է կեղծիքներից պաշտպանելու համար։ Մինչեւ ֆինանսական տարվա վերջը (ավարտվելու է 2022 թվականի մարտին) նախատեսվում է հատել մոտ 200 միլիոն նոր մետաղադրամ՝ ընդհանուր 5 միլիարդ իենի (43,7 միլիոն դոլար) արժեքով: Նախ Ճապոնիայի բանկը նախատեսում էր թողարկել նոր մետաղադրամներ այս տարվա սկզբին, սակայն դրանց թողարկումը հետաձգվեց պանդեմիայի պատճառով։