Նախորդ տարի գրանցվել է 39 սպանության դեպք, այս տարի 41, ընդամենը երկուսով ավելի: Այս մասին, այսօր՝ նոյեմբերի 1-ին, ԱԺ-ում լրագորղների հետ զրույցում նշեց ՀՀ փոխոստիկանապետ Արա Ֆիդանյանը:
«Մենք գիտենք, որ պատերազմից հետո ունենք ապօրինի զենք-զինամթերքի մեծ ծավալի շրջանառություն ՀՀ-ում: Ոստիկանությունից հռելի մեծ աշխատանք էթ տարվում այդ զենք-զինամթերքը հայտնաբերելու ուղղությամբ: Մենք քրեաբանական առումով մենք կանխատեսում էինք հանցագործությունների ավելի մեծ աճ, բայց փաստացի զենքով կատարված հանցագործությունների նվազում ունենք»,-ասաց նա:
Անդևրադառնալով ճանապարհատրանսպորտային պատահարների թվի աճին, փոխոստիկանապետն ասաց. «Այո, գրանցվել է ՃՏՊ-ների եւ զոհերի որոշակի աճ: Դրանք մշտապես առկա են եղել, բայց մի հանգամանք պետք է հաշվի առնել՝ ավտոմքենանների մեծածավալ ներկրումը Հայաստան:
Ի դեպ, մենք ունենք մարմնական վնասվածքների նվազում: Մենք վերլուծություններով գալիս ենք մի հետաքրքիր հանգամանքի, որ հիմնականում ՃՏՊ-ների աճը պայմանավորված է թեթեւ ավտոպատահարներով, իսկ մահվան դեպքերը՝ Երեւանից դուրս արագացումներով կամ ճանապարհների վատ լուսավորությամբ, անմխիթար վիճակով»: