Բիթքոինի փոխարժեքը հասել է նոր ռեկորդի՝ ամենահայտնի կրիպտոարժույթի արժեքը գերազանցել է 69 000 դոլարը։ Այս մասին են վկայում CoinGecko պորտալի տվյալները։

Բիթքոինը վաճառվում է 68 700 դոլարով՝ աճը կազմել է 1,2 տոկոս: Նախօրեին, նոյեմբերի 9-ին, ամենահայտնի կրիպտոարժույթը օրվա մեջ երկու անգամ թարմացրել է իր պատմական ռեկորդը եւ գերազանցել 68 000 դոլարի նշագիծը։ Բիթքոինի փոխարժեքը սկսեց կտրուկ աճել նոյեմբերի 8-ի գիշերը, երբ դրա գինը հասավ 66 300 դոլարի: Այս մակարդակով մետաղադրամը վերջին անգամ վաճառվել է հոկտեմբերի 21-ին։ Հոկտեմբերի 20-ին բիթքոինը հասել է 67 000 դոլարի։