Բոլոր այն գնահատականները, որ ես տվել եմ Հայրենիքի փրկության շարժման ժամանակ, այդ բոլոր գնահատականները մնում են: Այս մասին այսօր՝ նոյեմբերի 26-ին, լրագրողների հետ զրույցում նշեց ԱԺՄ ղեկավար, նախկին վարչապետ Վազգեն Մանուկյանը՝ անդրադառնալով սահմաններում տիրող իրավիճակին:
«Այս իշխանությունը մեր ժողովրդի համար խորթ, թշնամի իշխանություն է եւ որեւէ օգտակար բան Հայաստանի համար անել չի կարող, իսկ Ադրբեջանի ու Թուրքիայի ցանկություններն անընդհատ մեծանում են: Տեսնում են, որ իրենց դիմաց կամք ու ուժ չունեցող պետության ղեկավարներ են կանգնած, իրենք անընդհատ շարունկելու են հարձակումը»,-ասաց նա:
Վազգեն Մանուկյանի խոսքով, այն իրավիճակը, որ հիմա տիրում է Հարավային Կովկասում եւ մեր սահմաններին, կայուն վիճակ չի. «Ուշ, թե շուտ դա բերելու է պատերազմի: Անընդհատ խոսելով խաղաղության մասին, Նիկոլ Փաշինյանը Հայաստանը տանում է դեպի կործանարար պատերազմ»:
