Ոչ մեկը չի ուզեցել հետ քաշվի. այդ օրերին վարչապետը եկել է Գորիս ու խորհրդակցություն արել։ Այս մասին, այսօր՝ նոյեմբերի 26-ին, լրագրողների հետ զրույցում նշեց ՀՀ Սյունիքի մարզպետ Մելիքսեթ Պողոսյանը՝ անդրադառնալով հարցին, թե ինչպե՞ս է վերաբերվում այն հանգամանքին, որ նախորդ տարվա դեկտեմբերին վարչապետ Նիկոլ Փաշինյանի հրամանով Սյունիքում զորքերը հետ քաշվեցին։
Հիշեցնենք, Փաշինյանը նշել էր, որ եթե նման որոշում չկայացվեր` Սյունիքում ռազմական գործողություններ էին սկսվելու և մենք խնդիրներ էինք ունենալու։
«Փաշինյանն ասել է` անցեք Սյունիքի պաշտպանության։ Մենք էլ Նռնաձորից Խոզնավար նպաստավոր բարձունքների վրա անցել ենք պաշտպանության։ Ավելին, մենք 1 ամիս համագործակցել ենք, որ «նեյտրալ զոնան» մենք պահենք։ 3 անգամ Կուբաթլուի հատվածում մենք մեր դիրքերն առաջ ենք տվել, հետո Ռուսաստանը չի համաձայնել, մենք պետք է զբաղեցնեինք Խորհրդային Միության սահմանները: չեն համաձայնել, մեզ հետ են տվել»,–ասաց Պողոսյանը։
Նա հավելեց, որ հանձնաժողով է եղել, Ռուսաստանի եւ Ադրբեջանի հետ համագործակցել են, որ սահմանները մնան նույն տեղում, նրանք չեն համաձայնել, դրա համար հայկական ուժերը զբաղեցրել են Խորհրդային Միության սահմանները:
Հիշեցնենք, որ Փաշինյանը հայտնել էր` այդ տարածքները հանձնվել են 7 շրջանների մաս լինելու տրամաբանության մեջ, ինչն արձանագրված է ՀՀ տարածքի վարչատարածքային բաժանման մասին օրենքում։ Նա հավելել էր, որ զորքերը հետ քաշելու հրաման է տվել մարտավարական ճանապարհ չկորցնելու համար։
