News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Իրանի եւ Ադրբեջանի նախագահներ Էբրահիմ Ռայիսին ու Իլհամ Ալիեւը անցկացրել են առաջին հանդիպումն Աշխաբադում Տնտեսական համագործակցության կազմակերպության գագաթնաժողովի շրջանակում:

Ադրբեջանական ԶԼՄ-ների հաղորդմամբ՝ հանդիպման ընթացքում Ալիեւը հավաստիացրել է, որ Ադրբեջանի համար մեծ կարեւորություն են ներկայացնում հարաբերություններն Իրանի հետ:

Ռայիսին, իր հերթին, նշել է, որ երկու երկրների պաշտոնական անձինք վարչապետի, ԱԳ նախարարների մակարդակով արդեն անցկացրել են բարեհաջող բանակցություններ: «Ես համոզված եմ, որ այդպիսի հանդիպումները, շփումները, քննարկումները ներդրում կունենան երկու երկրների միջեւ հարաբերությունների զարգացման գործում: Հարցերը, որոնք ծագում են մեր հարաբերություններում, կարելի է լուծել այսպիսի շփումներով եւ այցերով: Մեր հարաբերություններն Ադրբեջանի հետ ոչ միայն հարեւանների հարաբերություններ են, այլ մեր սրտերի հարաբերություններն են»,-նշել է Իրանի նախագահը:

Ռայիսին հավելել է, որ երբեք թույլ չի տա, որ ուրիշները միջամտեն այդ հարաբերություններին: «Մենք պետք է ինքներս լուծենք մեր հարցերը, զարգացնեն հարաբերությունները, պետք է համատեղ աշխատենք փոխշահավետ համագործակցությունը խորացնելու համար: Առկա փորձը ցույց է տալիս, որ երբ մենք ինքներս քննարկում ենք մեր հարցերը, դրանց մեծամասնությունը կարելի է լուծել եւ հաղթահարել խոչընդոտները»:

Իրանի նախագահը նշել է, որ Ղարաբաղի հարցում Թեհրանն ունեցել է բաց եւ միանշանակ դիրքորոշում: «Գերագույն ղեկավարից մինչեւ պետական կառույցների պաշտոնյաները բոլորն ունեին դիրքորոշում, որ Ադրբեջանի տարածքային ամբողջականությունը պետք է ապահովված լինի»,-Ռայիսիի խոսքերը մեջբերում են ադրբեջանական ԶԼՄ-ները:

Նշվում է, որ հանդիպման ընթացքում երկու երկրների առաջնորդները քննարկել են Հյուսիս-Հարավ տրանսպորտային միջանցքը, ինչպես նաեւ համագործակցությունն այսպես կոչված «Զանգեզուրի միջանցքի» շրջանակում: «Նշվել է, որ Զանգեզուրի միջանցքի ստեղծումը շահավետ է Իրանի համար»:

Երկու երկրների առաջնորդները քննարկել են Ադրբեջան, Ռուսաստան, Իրան էներգամիջանցքի ստեղծումը, փոխանակել են կարծիքներ միջազգային կազմակերպությունների, առեւտրա-տնտեսական կապերի շրջանակում համագործակցության հարցով:

Իրանական կողմը դեռեւս չի ներկայացրել հանդիպման մանրամասները: ԻԻՀ նախագահի կայքում հրապարակվել է միայն բանակցությունների լուսանկարները:

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ