Ավարտվել են Ռուսաստանի եւ ԱՄՆ նախագահներ Վլադիմիր Պուտինի եւ Ջո Բայդենի բանակցությունները, որոնք տեւել են երկու ժամ, հայտնել է ՌԻԱ Նովոստի-ն։

Հանդիպումը կայացել է տեսակապի փակ ալիքով։ Լրագրողներին ցուցադրվել են շփման միայն առաջին կադրերը, որտեղ պետությունների ղեկավարները ողջունել են միմյանց, այնուհետեւ հանդիպումը կայացել է տետ-ա-տետ։

Սա երկու երկրների ղեկավարների երկրորդ հանդիպումն է։ Առաջին բանակցությունները կայացել են Ժնեւում այս տարվա հունիսին՝ առկա ձեւաչափով։