News
Լրահոս
News
Կիրակի
Հունվար 16
USD
480.88
EUR
550.94
RUB
6.32
Տեսնել լրահոսը

Ձեր հոգին մի՛ վաճառեք ազգակործան համաշխարհայնացմանն ու դրա խամաճիկներին: Այս մասին Facebook-ի իր էջում գրել է Ասողիկ աբեղա Կարապետյանը:

Նա, մասնավորապես, նշել է. «Սիրելիներ,

Դարեր շարունակ մեր Ազգը հավատարմորեն պահպանել է իր ազգային-հոգևոր ավանդություններն ու ավանդույթները: Եվ այդպես հաղթահարել է ամեն փորձություն և հարատևել իր բնիկ Հայրենիքում:

Մասնավոր հոգածությամբ և նախանձախնդրությամբ պահվել է մեր Տեր Հիսուս Քրիստոսի Սուրբ Ծննդյան և Աստվածհայտնության տոնը. հունվար 5-ի Ճրագալույցով սկսվել է տոնախմբվել Սուրբ Ծնունդը:

Ցավով և վրդովմունքով եմ արձանագրում, որ այսօր մեր որոշ երաժշտական հաստատություններ և խմբեր, թերևս տուրք տալով նյութական շահին, շրջանցում են ազգային-հոգևոր ավանդությունը և դեկտեմբեր ամսի երկրորդ կեսին կազմակերպում են Սուրբ Ծննդյան համերգներ...

Հայոց Սուրբ Ծնունդը հունվար 6-ին է, իսկ Սուրբ Ծննդյան տոնական օրերն են հունվար 5-13-ը:

Մի՛ տրվեք օտարամոլությանը, սիրելիներ, ակնածանքով և սրբությամբ պահպանեցեք ձեր Ազգի ավանդությունները:

Օտար ավանդությամբ հարազատ Ազգին շփոթության մատնելով՝ երբեք չեք կարող վայելել ոչ յուրայինի, ոչ էլ առավել ևս օտարի ճշմարիտ հարգանքը, քանի որ հարազատ ինքնության հանդեպ անհավատարմությունը միշտ էլ խոտելի է եղել և արգահատելի ամենքի կողմից: Ձեր հոգին մի՛ վաճառեք ազգակործան համաշխարհայնացմանն ու դրա խամաճիկներին:

Որքա՜ն հոգեշահ և ազգակերտ, որքա՜ն վայելուչ կլիներ, եթե այդ տոնական համերգները կազմակերպվեն հունվար 6-ից սկսյալ՝ տոնական ամեն օրը ցնծալից դարձնելով մեր ազգակիցների ու հավատակիցների համար:

Կսիրեմ հուսալ, որ Դուք, սիրելի երաժիշտ ընկերներ և հարազատներ (որոնցից շատերիդ ճանաչում եմ անձնապես, սիրում և հարգում), տակավին կանդրադառնաք և կսրբագրեք Ձեր սխալմունքը. Քրիստոնյա Հայաստանում անգիտության և նյութապաշտության խավար չպետք է լինի, Քրիստոնյա Հայաստանում Տիրոջ Սուրբ Ծնունդը պետք է տոնվի առաքելադիր կարգի համաձայն:

Ասողիկ աբեղա Կարապետյան

Զինվորյալ միաբան

Մայր Աթոռ Սուրբ Էջմիածնի»։

Տպել
Կարդացեք նաև
Ամբողջը
Մայր Աթոռը Քրիստոսի արձանի տեղադրման հարցը դեռ չի քննարկել, բայց այն մեր եկեղեցու ավանդույթին հարիր չի համարում
Բագրատ արքեպիսկոպոս Գալստանյանի համար գաղափարն անընդունելի է…
Այսօր Հայ եկեղեցին նշում է Քրիստոսի Անվանակոչության տոնը
Ըստ հրեական օրենքի` ծննդյան 8-րդ օրը Հիսուս, ինչպես նորածին ամեն մի արու...
Գարեգին Բ-ն շնորհավորել է Մայր Աթոռի պաշտոնեությանը
Միասնական աղոթքից հետո Մայր Աթոռի լուսարարապետ Գերաշնորհ Տ. Մուշեղ եպիսկոպոս Բաբայանը ներկաների…
Կաթողիկոսը նորաօծ քահանաներին հորդորել է լինել ամուր իրենց կոչման մեջ ու չընկճվել
Հանդիպման վերջում Նորին Սրբությունը «Պահպանիչ» աղոթքով օրհնել է...
Իրավունքը նոր ժամանակների կրոնն է դարձել. Բագրատ Սրբազան
Իրավունքն ինքնին սխալ բան չէ, սակայն առանց…
«Սփյուռքի վերակազմակերպումը հրամայական է՝ Հայաստանի ու Արցախի հզորացման համար»․ Արամ Ա
Վեհափառ Հայրապետը հռչակագիրին մէջ կը նշէ, որ հայ ժողովուրդը կը դիմագրաւէ…