News
Լրահոս
News
Երեքշաբթի
Հունվար 25
USD
481.63
EUR
545.49
RUB
6.17
Տեսնել լրահոսը

ՀՀ ոստիկանության կրթահամալիրի ակադեմիայի ուսանողների միջեւ ապրիլի 21-ին վիճաբանություն է տեղի ունեցել, որից հետո նշանակվել է ծառայողական քննություն, սակայն խնդիրն այդքանով չի լուծվել, հանդիպում է եղել այդ վիճաբանության մասին զեկուցողի հետ, որն էլ ծեծկռտուքի է վերածվել։

NEWS.am-ը Դատական-տեղեկատվական համակարգից տեղեկացավ, որ գործը դատարանում է, 2 անձ մեղադրյալի կարգավիճակում է։

Ըստ քրեական գործի՝ 2021 թվականի ապրիլի 21-ին՝ ժամը 12:40-ի սահմաններում, ՀՀ ոստիկանության կրթահամալիրի ակադեմիայի առաջին կուրսի առաջին դասակի սովորողներ, ոստիկանության կապիտան Գագիկ Առաքելյանի եւ ոստիկանության սերժանտ Նարեկ Կարապետյանի միջեւ տեղի ունեցած վիճաբանության վերաբերյալ նույն կրթահամալիրի պետի տեղակալ, ինքը եւ ծառայության բաժնի պետ, ոստիկանության գնդապետ Արշալույս Գալոյանի կողմից զեկուցվել է կրթահամալիրի պետին, եւ միջադեպի մանրամասները պարզելու նպատակով նշանակվել է ծառայողական քննություն։

Տեղեկանալով եղբոր նկատմամբ ծառայողական քննություն նշանակվելու մասին՝ ոստիկանության Երեւան քաղաքի վարչության Կենտրոնականի բաժնի ԱԳ եւ ԸԲԿ բաժանմունքի ավագ տեսուչ, ոստիկանության մայոր Ռաֆայել Կարապետյանը զանգահարել է Արշալույս Գալոյանին եւ հանդիպում պահանջել ու Արշալույս Գալոյանի հասցեին հնչեցրել վիրավորական արտահայտություններ։ Արշալույս Գալոյանը հրաժարվել է հանդիպել նրա հետ, ինչից հետո Ռաֆայել Կարապետյանը նույն օրը՝ ժամը 23:05-ի սահմաններում, եղբոր՝ Նարեկ Կարապետյանի հետ գնացել է Արշալույս Գալոյանի՝ Արարատի մարզի Արգավանդ գյուղում գտնվող տուն։ Ռաֆայել Կարապետյանը ծառայողական պարտականությունները կատարելու հետ կապված վիճաբանել է Արշալույս Գալոյանի հետ։

Այնուհետեւ Ռաֆայել Կարապետյանը Արշալույս Գալոյանին հարվածել է, ինչից հետո եղբոր հետ սկսել են քաշքշել Արշալույս Գալոյանի հագուստից եւ մարմնի տարբեր մասերից՝ պատճառելով ֆիզիկական ցավ։ Արշալույս Գալոյանը եղբայրներից ազատվելու համար, յուրաքանչյուրի դեմքին բռունցքով հարվածել է, որի հետեւանքով Ռաֆայել Կարապետյանն ընկել է գետնին։

Ռաֆայել եւ Նարեկ Կարապետյաններին մեղադրանք է առաջադրվել ՀՀ ՔՕ 316-րդ հոդվածի 1-ին մասի հատկանիշներով (իշխանության ներկայացուցչի նկատմամբ բռնություն գործադրելը)։ Նրանց նկատմամբ որպես խափանման միջոց է ընտրվել ստորագրությունը՝ չհեռանալու մասին։

Տպել
Կարդացեք նաև
Ամբողջը
Ջուլիան Ասանժն ԱՄՆ իր արտահանձնման որոշումը բողոքարկելու թույլտվություն է ստացել
«Ամբաստանյալի իրավասությունն ապացուցելու միջնորդությունը բավարարված է...
Դանակահարության վայրում հայտնաբերել են արյան հետքեր և 20 սմ-անոց խոհանոցային դանակ՝ շեղբին արնանման հետքերով
Դանակահարություն Վանաձորում. Բազումի ոստիկանների բացահայտումը...
Բացահայտվել է Եղեգնավան գյուղում 2 հոգու դանակահարությունը
Նշանակվել է դատաբժշկական փորձաքննություն...
Արծվաբերդ գյուղում մի շարք գողություններ էր արել. Տավուշի ոստիկանների բացահայտումը
Ձեռնարկված օպերատիվ-հետախուզական և քննչական միջոցառումների...
Երեք օրում բացահայտվել է 133 հանցագործություն, որից 10-ը նախկինում կատարված
Օպերատիվ իրավիճակը հանրապետությունում հունվարի 21-ից 24-ը...
Առուշ Առուշանյանը քաղբանտարկյալ է, պատրաստակամ եմ ՄԻՊ թեկնածուին դեմ առ դեմ դա հիմնավորել. փաստաբան
Առուշ Առուշանյանը քաղբանտարկյալ է եւ ես…
Ֆոտոռեպորտաժներ