Նոր Կալեդոնիայի բնակիչների մեծամասնությունը մերժել է Ֆրանսիայի այդ տարածքի անկախացման նախագիծը: Այդ մասին կիրակի հայտնել է BFM հեռուստաալիքը՝ վկայակոչելով քվեարկության նախնական արդյունքները, հաղորդում է ՏԱՍՍ-ը:
Հաղորդագրության մեջ նշվում է, որ հանրաքվեում հաղթանակ են տարել անկախության հակառակորդները: Հեռուստաալիքի տվյալներով՝ քվեաթերթիկների 88 տոկոսը հաշվելուց հետո ընտրողների 96 տոկոսը մերժել է հրվանդանի ինքնիշխանության գաղափարը:
Այս ընտրությունները հաստատել են 2018 եւ 2020 թվականների քվեարկության արդյունքները, սակայն այս անգամ մասնակցությունը համեմատաբար ցածր էր: Նախնական տվյալներով՝ քվեարկությանը մասնակցել է երկու անգամ պակաս ընտրող, քան գրանցվել էր նախորդ տարի, երբ մասնակցությունը կազմել էր 85,6 տոկոս:
2020 թվականի հոկտեմբերին անկախացման դեմ քվեարկածների թիվը կազմել է 53,3 տոկոս: