«Նոր Սերունդ-2021» ֆորումը եզակի հնարավորություն է Հայաստանի տարբեր բուհերում սովորող ուսանողների համար։ Այս մասին դեկտեմբերի 13-ին Երեւանում կայացած «Նոր սերունդ-2021» ֆորումի ժամանակ ասաց ՀՀ կրթության, գիտության, մշակույթի եւ սպորտի փոխնախարար Կարեն Թռչունյանը։
Փոխնախարարի խոսքով՝ այս ֆորումի շնորհիվ հայ ուսանողները կկարողանան իրենց օրիգինալ նախագծերը ներկայացնել տարբեր պետական կառույցների եւ բիզնեսի ներկայացուցիչներին։
«Այս հարթակը նպաստում է բուհերի եւ պոտենցիալ գործատուների միջեւ կապի ստեղծմանը, ինչպես նաեւ օգնում է երիտասարդներին դառնալ հասարակության լիարժեք անդամ՝ իրենց հեռանկարներն ու ակնկալիքներն իրականացնելու նպատակով»,-ընդգծեց Թռչունյանը։
