«Հայաստան» դաշինքի անդամ Նարեկ Մանթաշյանին կալանավորելու վերաբերյալ ԱԱԾ քննիչի կողմից ներկայացված միջնորդության քննությունը Երևանի ընդհանուր իրավասության դատարանի Աջափնյակի նստավայրում ավարտվել է, որոշումը կհրապարակվի վաղը: Այս մասին NEWS.am-ի հետ զրույցում հայտնեց Մանթաշյանի պաշտպան Ալեքսանդր Կոչուբաեւը:
Նարեկ Մանթաշյանն իրեն առաջադրված մեղադրանքը չի ընդունում և այն որակում է որպես քաղաքական հետապնդում իր նկատմամբ։
Մանթաշյանին մեղադրանք է առաջադրվել նախորդ տարվա նոյեմբերի 9-ի լույս 10-ի գիշերը Կառավարության շենքում առանձնապես խոշոր չափերի կողոպուտ կատարելու հատկանիշներով։