Երկուշաբթի առավոտյան պղնձի գինը նվազում է դոլարի թանկացման պատճառով, վկայում են աճուրդների տվյալները։
Comex բորսայում պղնձի մարտ ամսվա ֆյուչերսների գինը նվազել է 0.15 տոկոսով՝ հասնելով 4.3925 դոլարի ֆունտի դիմաց (մոտ 0.45 կիլոգրամ)։
Լոնդոնի մետաղների բորսայում (LME) ուրբաթ օրվա վերջի դրությամբ պղնձի մեկ տոննայի գինն աճել է 1.22 տոկոսով՝ մինչեւ 9647 դոլար, ալյումինի գինը նվազել է 0.24 տոկոսով՝ մինչեւ 2914.5 դոլար, ցինկի արժեքը՝ 0.48 տոկոսով՝ մինչեւ 3533 դոլար մեկ տոննայի դիմաց:
