Չեխիայում գնաճը, որն անցյալ տարի 6.6 տոկոս էր կազմել, առաջիկա ամիսներին կարող է գերազանցել 10 տոկոսը։ Այս մասին հայտնում է Չեխական ռադիոն՝ վկայակոչելով Հանրապետության Ազգային բանկի ղեկավարությունը, որը որպես դրա ֆինանսական կարգավորող մարմին է  հանդես գալիս:

Գնաճի կտրուկ թռիչքը չի բացառել, մասնավորապես, Ազգային բանկի նախագահ Իրժի Ռուսնոկը։ Ժողովրդական տնտեսության վիճակի այս ցուցանիշի վրա բացասաբար են ազդում, ի թիվս այլ բաների, հանրապետությունում էլեկտրաէներգիայի եւ գազի թանկացումները։ Էներգամատակարարող ընկերությունները հունվարի 1-ից զգալիորեն բարձրացրել են իրենց սակագինը սպառողների համար։

Մինչդեռ, ֆինանսական կարգավորիչի ղեկավարության կանխատեսմամբ, մինչեւ այս տարվա վերջ գնաճի տեմպի զգալի նվազում պետք է ակնկալել։ Ազգային բանկը, օգտագործելով իր տրամադրության տակ եղած գործիքները, կազդի այս գործընթացի վրա՝ տնտեսությունը կայունացնելու եւ չեխական թագը ամրապնդելու նպատակով։