News
Լրահոս
News
Հինգշաբթի
Մայիս 19
USD
459.4
EUR
484.07
RUB
7.4
Տեսնել լրահոսը

Կրիպտոարժույթների հետ կապված խնդիրները լուծելու համար կոլեկտիվ գլոբալ ջանքեր են անհրաժեշտ։ Այս մասին Դավոսում Համաշխարհային տնտեսական ֆորումի վիրտուալ համաժողովի ժամանակ հայտարարել է Հնդկաստանի վարչապետ Նարենդրա Մոդին, հայտնում է Reuters-ը։

«Տեխնոլոգիաների այն տեսակը, որոնց հետ նրանք կապված են, մի երկրի կողմից ընդունված որոշում է եւ բավարար չէ խնդիրները լուծելու համար»,- ասել է Մոդին:

Նյու Դելին ավելի վաղ հայտնել էր, որ նախատեսում է արգելել կրիպտոարժույթների մեծ մասը: Հնդկաստանի կենտրոնական բանկը նույնպես «լուրջ մտահոգություն» է հայտնել թվային արժույթների վերաբերյալ՝ հայտարարելով, որ դրանք կարող են ազդել ֆինանսական կայունության վրա:

Ոլորտային գնահատականների համաձայն՝ Հնդկաստանում կրիպտոարժույթի մեջ ներդրումների թիվը հասնում է 15-20 միլիոն դոլարի, իսկ կրիպտոարժութային ակտիվների ընդհանուր ծավալը կազմում է շուրջ 400 միլիարդ ռուփի (5,39 միլիարդ դոլար):

Հնդկաստանը նաեւ աշխատում է բազմաթիվ երկրների հետ ազատ առեւտրի համաձայնագրեր ստորագրելու ուղղությամբ, հավելել է Մոդին։ Վարչապետը նաեւ ասել է, որ սա լավագույն ժամանակն է Հնդկաստանում ներդրումներ անելու համար, քանի որ երկիրը պատրաստ է ավելի հուսալի գործընկեր դառնալ համաշխարհային մատակարարման շղթայում։

 

!
Այս նյութը հասանելի է նաև   Русский
Տպել