Մենք հնարավորություն չունենք թոշակներն այնքան բարձրացնելու համար, որպեսզի այդ աճը ծածկի գնաճը։ Այս մասին հունվարի 20-ին լրագրողների հետ զրույցում ասաց իշխող «Քաղաքացիական պայմանագիր» կուսակցության պատգամավոր Բաբկեն Թունյանը։
Նա վստահ է, որ ծառայողական ավտոմեքենաների վաճառքից գոյացած գումարը ֆինանսական կարիքները չի ծածկի:
«Եթե նախարարների ծառայողական ավտոմեքենաների վաճառքը գոնե 5 տոկոսով լուծի թոշակառուների խնդիրները, ապա դրանք հենց վաղը կվաճառվեն։ Ինչ վերաբերում է պարգեւավճարներին, ապա պատգամավորները դրանք չեն ստանում, նրանք հավելավճարներ են ստանում։ Բացի այդ, եթե ուզում ենք բարձրակարգ պետական կառավարում ունենալ, ապա 120 հազար դրամով հնարավոր չէ որակավորված մասնագետ ընդունել»,- պարզաբանեց Թունյանը։
Ընդ որում, պատգամավորը կարծում է, որ իշխանությունն ավելի շատ բեռ է, քան հաճույք։
