News
Լրահոս
News
Ուրբաթ
Մայիս 20
USD
458.98
EUR
485.74
RUB
7.81
Տեսնել լրահոսը


Ես կտրականապես չեմ ընդունում այդ կապիտուլյանտ բառը, երեւի այդ բառն օգտագործող մարդը չի հասկանում, որ կապիտուլյացիան եւ որոշակի օկուպացիան տարբեր բառեր են: Այս մասին, այսօր՝ հունվարի 25-ին, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովում նշեց ՔՊ խմբակցության պատգամավոր Հակոբ Ասլանյանը՝ անդրադառնալով «Հայաստան» խմբակցությունից Լիլիթ Գալստյանի ելույթին:

«Այո, ես իրավունք ունեմ այդ բառից վիրավորվելու, որովհետեւ նա ով ինձ կապիտուլյանտ է կոչում, որովհետեւ այս իշխանության կողքին եմ կանգնած, ապա պետք է բացատրի, թե ինչով եմ ես կապիտուլյանտ, մարդ, որը 3 անգամ գնացել է ռազմի դաշտ, երեք անգամ պատրաստ է եղել մեռնել էս երկրի համար եւ դրանից հետո նրան դավաճան ու կապիտուլյանտ են կոչում: Խնդրում եմ՝  այդ բառերն օգտագործելուց մի քիչ զգույշ լինել, որովհետեւ դրանով վիրավորում եք ոչ միայն ինձ, այլեւ այն բոլոր ընկերներին, որոնք իրենց կյանքը դրել են 1990-ականներից: Ես այդ ճանապարհն անցել եմ, դուք ձեզ հարց տվեք, թե դուք ինչ եք արել մեր երկրի համար 30 տարվա մեջ:  Շատ հեշտ է հայրենասիրությունից խոսել, ասել մտքեր, որոնք քեզ չեն պատկանում, այլ ուղղակի գերազանց սովորած բառեր են: Մի ասեք դա, գեղեցիկ չէ.,-ասաց նա:

Ի պատասխան Լիլիթ Գալստյանն ասաց. «Մենք ձեզ պետություն հայրենիք ենք տվել, դուք դավաճանել եք մեր պետությանն էլ հայրենիքին էլ»:

«Դուք պետություն չեք տվել, դուք պետությունը քանդել եք ամբողջությամբ»,-արձագանքեց ՔՊ-ական պատգամավորը:

Լիլիթ Գալստյանն ասաց. «Գնացեք Եռաբլուր եւ ձեր ներդրումն ու մեր ներդրումը կհասկանաք»:

«Եռաբլուրը ձեր մեղքն է, նախկին իշխանությունների, որոնք երկիրը ռազմական տեսակետից, բարոյական տեսակետից ոչնչացրեցին»,-հայտարարեց Հակոբ Ասլանյանը:

«Մի հատ հավաքվեք էլի, դուք անում եք այն, ինչի մասին ես հորդորեցի, ձեր մերժումը վերածվել է ուրացումի, դուք մի ամբողջ հայրենիք ու պետություն եք ուրանում»,-հայտարարեց Լիլիթ Գալստյանը:

Տպել
Ամենաշատ
Ֆոտոռեպորտաժներ