Ավստրիայի արտգործնախարար Ալեքսանդր Շալենբերգը կայցելի Հայաստան։ Այս մասին հաղորդագրություն է տարածել Ավստրիայի ԱԳՆ-ն։

«Այսօր մենք նշում ենք Հայաստանի և Ավստրիայի միջև դիվանագիտական հարաբերությունների հաստատման 30-ամյակը։ ԱԳ նախարար Ալեքսանդր Շալենբերգի հաջորդ շաբաթվա այցը Երևան լավ հնարավորություն կլինի երկկողմ գերազանց հարաբերություններն ամրապնդելու և հետագա համագործակցության հնարավորությունները դիտարկելու համար»,- նշված է նախարարության թվիթերյան միկրոբլոգում կատարված գրառման մեջ: