Պետքարտուղար Էնթոնի Բլինքենը եւ Թուրքիայի արտգործնախարար Մեւլութ Չավուշօղլուն քննարկել են հայ-թուրքական հարաբերությունների կարգավորման գործընթացը։
Պետդեպարտամենտը հայտնում է, որ զրուցակիցները քննարկել են հայ-թուրքական հարաբերությունների կարգավորումը եւ այն լրացուցիչ քայլերը, որոնք ԱՄՆ-ը կարող է ձեռնարկել այդ ջանքերին աջակցելու համար։
Կողմերը քննարկել են նաեւ «Ուկրաինայի դեմ Ռուսաստանի հետագա էսկալացիայի սպառնալիքի եւ ագրեսիայի առնչությամբ ՆԱՏՕ-ի համակարգման ու միավորման ուղիները»։ Պետքարտուղարն ընդգծել է «Ուկրաինայի ինքնիշխանությանն ու տարածքային ամբողջականությանը ընդհանուր հավատարմությունը եւ նշել դիվանագիտական լուծմանը աջակցելու Թուրքիայի նախագահ Ռեջեփ Թայիփ Էրդողանի պատրաստակամությունը»։
Նրանք նաեւ դիտարկել են ԱՄՆ-ի եւ Թուրքիայի միջեւ ամուր երկկողմ հարաբերություններ պահպանելու հնարավորությունները։