Եվրոպայի Խորհրդի Նախարարների կոմիտեն կասեցրել է Ռուսաստանի անդամությունը կազմակերպությունում, հաղորդվում է կազմակերպության կայքում: Հաղորդագրության մեջ ասվում է, որ այդ որոշումը նշանակում է, որ Ռուսաստանը շարունակում է համարվել Եվրոպայի Խորհրդի անդամ եւ Եվրոպայի Խորհրդի համապատասխան հռչակագրերի, այդ թվում՝ Մարդու իրավունքների եվրոպական հռչակագրի մասնակից: Կասեցումը վերջնական միջոց չէ, այլ ժամանակավոր է:
Այդ որոշումը չի անդրադառնում ՄԻԵԴ-ին: Դատավորը, որն ընտրվել է ՄԻԵԴ-ում ՌԴ-ի կողմից, կշարունակի համարվել դատարանի անդամ, ինչպես նաեւ ՌԴ-ի դեմ ներկայացված հայցերը կդիտարկվեն եւ կլուծվեն դատարանի կողմից:
Նախարարների կոմիտեն նաեւ կարող է առաջարկել պետությանը լքել Եվրոպայի Խորհուրդը: Պետության կողմից համաձայնության դեպքում դուրս գալու ամսաթիվը կհամարվի հաջորդ տարվա հունվարի 1-ը: Սակայն Կոմիտեն կարող է նաեւ իր որոշմամբ դադարեցնել Խորհրդում պետության անդամությունը՝ ինքնուրույն ընտրելով այդ որոշումն ուժի մեջ մտնելու ամսաթիվը:
Միեւնույն ժամանակ ՌԴ Դաշնային խորհրդում արձագանքել են այդ որոշմանը:
Սենատոր Վլադիմիր Ջաբարովը մեկնաբանել է. «Ապրել ենք նախկինում առանց Եվրոպայի Խորհրդի, կապրենք եւ այժմ»:
Իր հերթին Պետական դումայի փոխխոսնակ Պետրո Տոլստոյը հայտարարել է, որ Ռուսաստանը դեռեւս եվրոպական ամենամեծ երկիրն է, առանց որի Եվրոպայի Խորհուրդը պարզապես անհնարին է եւ անօգուտ:
