Ֆինանսների նախարար Ջանեթ Յելենը պետք է հանդիպեր ԱՄՆ օրենսդիրների հետ՝ Ռուսաստանի ոսկու պաշարների հնարավոր սառեցման հարցը քննարկելու համար, հայտնում է AP-ն։
Այս քայլը ձեռնարկվել է այն բանից հետո, երբ մի քանի օրենսդիրներ ներկայացրել են «Կանգնեցնել ռուսական ոսկին» օրինագիծը, որը նպատակ ունի սահմանափակել պատժամիջոցների ազդեցությունից խուսափելու համար իր ոսկու պաշարները վաճառելու Ռուսաստանի հնարավորությունը:
Ռուսական էլիտայի, երկրի Կենտրոնական բանկի, նախագահ Վլադիմիր Պուտինի նկատմամբ գործող պատժամիջոցները եւ այլ միջոցներ չեն ազդում Ռուսաստանի ոսկու պաշարների վրա։ Ըստ օրենսդիրների՝ Ռուսաստանը մոտ 130 մլրդ դոլարի ոսկու պաշարներ ունի: Ռուսաստանի Բանկը փետրվարի 28-ին հայտարարել էր թանկարժեք մետաղների ներքին շուկայում ոսկու գնումները վերականգնելու մասին։
