Ուկրաինայի հակամարտությունը «միջազգային կարգի էական փոփոխությունների» կհանգեցնի եւ «երկարատեւ» ու «խորը» հետեւանքներ կունենա։ Այս մասին CNN-ին տված հարցազրույցում հայտարարել է Արաբական Միացյալ Էմիրությունների նախագահի խորհրդական Անվար Գարգաշը։
«Ես կարծում եմ, որ մենք իսկապես պետք է քաղաքական լուծում գտնենք։ Իսկ դա սկսվում է հրադադարից ու հնարավորինս շուտ քաղաքական լուծումից։ Մենք պետք է դա անենք, քանի որ հորիզոնական կամ ուղղահայաց էսկալացիայի վտանգը իրական է»,- ասել է Գարգաշը:
Ելույթ ունենալով Դուբայում կայացած Համաշխարհային կառավարական գագաթաժողովում, Գարգաշը նշել է, որ «Մերձավոր Արեւելքը ականատես է լինում բարձրագույն կառուցվածքի մի տեսակ փոփոխության, բայց նա պետք է լրացնի բաց թողածը»: