Ռուսաստանը բազմիցս է խոսել սահմանազատման անհրաժեշտության մասին, սակայն միայն Բրյուսելի երեկ չէ առաջին օրվա հուշագիրը դա հրապարակայնորեն պարտավորություն դարձրեց։ Սա նշանակում է, որ սահմանազատման շուրջ բանակցությունների քաղաքական ամբողջ պատասխանատվությունը Եվրամիության վրա է: Այս մասին NEWS.am-ի թղթակցի հետ զրույցում ասաց Regnum լրատվական գործակալության գլխավոր խմբագիր Մոդեստ Կոլերովը։

«Միեւնույն ժամանակ սահմանազատման շուրջ բանակցությունները կարող են տարիներ շարունակվել։ Դրանք երկարատեւ են։ Դրանից հետո միայն նույն տարիները կպահանջվեն սահմանազատման արդյունքները, այսինքն՝ սահմանագծումը տեղում իրականացնելու համար։ Միայն դրանից հետո է հնարավոր ոչ թե հռետորական, այլ իրական խաղաղության պայմանագիրը»,- նշեց Կոլերովը։

Նրա խոսքով, Ադրբեջանը շատ ժամանակ ունի։ Նա լուծել է իր բոլոր հիմնական հարցերը։

Նրա խոսքով, հատկապես հիմա, Ռուսաստանի դեմ Եվրամիության պատժամիջոցների պայմաններում, որոնք անխուսափելիորեն կանդրադառնան Ռուսաստանից գազի ու նավթի մատակարարումների վրա, Ադրբեջանը Եվրամիության համար դառնում է նավթային ու գազային «սիրելի փեսա»։

«Ուզում եք ասել, որ տնտեսական շահերի տեսակետից ԵՄ-ի համար Հայաստանն ու Ադրբեջանը հավասա՞ր են։ Ո՛չ։ Ահա եւ այդ միջնորդական հնարավորությունների բնական բոլոր սահմանները»,- ասաց Կոլերովը։