Ռուսաստանի Բանկը ոչ մի կերպ չի նվազեցնի ինֆլյացիան, քանի որ դա կխոչընդոտի բիզնեսի ադապտացիային։ Այս մասին հայտարարել է կարգավորիչի ղեկավար Էլվիրա Նաբիուլինան՝ ելույթ ունենալով Պետդումայում, փոխանցում է ՏԱՍՍ-ը։
Նրա կարծիքով՝ առանձին ապրանքների գների աճը մեծապես կախված կլինի ցածր առաջարկից։
«Մենք ոչ մի կերպ չենք փորձի նվազեցնել ինֆլյացիան։ Դա կխանգարի բիզնեսին հարմարվել, որի համար այժմ ավելի դժվար եւ թանկ է վերականգնել անհրաժեշտ ներկրվող բաղադրիչների մատակարարումը, եւ դա անխուսափելիորեն կազդի վերջնական արտադրանքի գնի վրա։ Եվ մենք անպայման պետք է հաղթահարենք ադապտացիոն շրջանը»,-ասել է նա։
Ընդ որում, ինֆլյացիայի աճը չպետք է լինի անվերահսկելի՝ արժեզրկելով խնայողություններն ու եկամուտները։ «Մենք այնպիսի դրամավարկային քաղաքականություն ենք վարելու, որը կվերադարձնի ինֆլյացիան թիրախային մակարդակին ողջամիտ, կանխատեսելի ժամկետներում, բայց ոչ շատ կտրուկ»,-նշել է նա։
