Շուրջ 8000 «լյուքս» դասի ավտոմեքենա, որոնք նախատեսված են Ռուսաստանի համար, կայանված են մնացել Բելգիայի նավահանգստում, քանի դեռ այդ երկրի իշխանությունները փորձում են գլուխ հանել Ուկրաինայի պատճառով Մոսկվայի դեմ սահմանված պատժամիջոցներից, գրում է Wall Street Journal-ը:
Ավտոմեքենաները, որոնցից մի քանիսը Lexus-ի, Cadillac-ի եւ Mercedes-ի նորագույն մոդելներից են, Ասիայից ժամանել են ապրիլի սկզբին: Մեքենաները պետք է ուղարկվեին Ռուսաստան, սակայն հայտնվել են շքեղ իրերի արգելքի տակ, որով արգելվում է ավելի քան 50 000 եվրո արժողությամբ մեքենաների ատահանումը: Մեքենաների կուտակումը եվրապական նավահանգիստներում պատժամիջոցները կառավարելու հետ կապված խառնաշփոթի հիմանկան պատճառներից է:
Նավահանգստի տնօրեն Մարկ Ադրիանսենսը հայտարարել է, որ ավտոմեքենաները, հավանաբար, դեռ երկար ժամանակ չեն տեղաշարժվի: Վերջինս հավելել է, որ չգիտի, թե ովքեր են գնորդները Ռուսաստանում: Նրա խոսքով Զեբրյուգի նավահանգստում 10 000 ավտոմեքենայի տեղ կա:
