ԵՄ քաղաքականության առանցքային ոլորտների վերաբերյալ միաձայն քվեարկությունն այլեւս իմաստ չունի, եթե ԵՄ-ն ցանկանում է ավելի արագ շարժվել: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լյայենը։
«Ես միշտ պնդել եմ, որ որոշ առանցքային ոլորտներում միաձայն քվեարկությունն այլեւս իմաստ չունի, եթե մենք ցանկանում ենք ավելի արագ շարժվել: Եվրոպան պետք է ավելի կարեւոր դեր խաղա, օրինակ՝ առողջապահության կամ պաշտպանության ոլորտում»,- ասել է նա Եվրախորհրդարանում:
Նրա խոսքով, ինքը պատրաստ է աջակցել ԵՄ պայմանագրի փոփոխություններին, եթե դա անհրաժեշտ է դաշինքի ապագայի վերաբերյալ քաղաքացիների գաղափարներն իրականացնելու համար։