Ռուսաստանը կողջուներ Թուրքմենստանի անդամակցությունը ԵԱՏՄ-ին եւ ակնկալում է, որ Աշխաբադում հատուկ ստեղծված կառավարական հանձնաժողովի աշխատանքի ընթացքում Թուրքմենստանը որպես դիտորդ անդամակցելու որոշում կկայացնի, հայտարարել է Դաշնության խորհրդի խոսնակ Վալենտինա Մատվիենկոն, փոխանցում է «ՌԻԱ Նովոստին»։
«Ես գիտեմ, որ դուք դիտարկում եք հնարավոր համագործակցությունը Եվրասիական տնտեսական միության հետ, որը զուտ տնտեսական բնույթ ունի։ Եթե հնարավոր համարեիք լինել դիտորդի կարգավիճակում (միությունում - խմբ.), ապա սա լավ հնարավորություն կլիներ դիտարկելու այս միության հնարավորությունները, փոխգործակցության հնարավոր ձեւաչափերը եւ որոշելու գիծը (գործողության ռազմավարությունը ԵԱՏՄ-ի շրջանակներում - խմբ.)»,- ասել է նա Թուրքմենստանի նախագահ Սերդար Բերդիմուհամեդովի հետ հանդիպմանը։
Մատվիենկոն նշել է, որ Աշխաբադում ստեղծվել է կառավարական հանձնաժողով, որը զբաղվում է ԵԱՏՄ-ի հնարավորություններն ուսումնասիրելով։