Հազարավոր թունիսցներ բողոքի ակցիայի են դուրս եկել՝ ընդդեմ երկրի նախագահ Քաիս Սայիդի՝ պահանջելով վերադառնալ նորմալ ժողովրդավարական կարգին եւ մերժելով անկախ ընտրական հանձնաժողովի փոխարինումը նրա կողմից նշանակվածով, հայտնում է Reuters-ը:
«Ժողովուրդը ժողովրդավարություն է ուզում» եւ «Սայիդը երկիրը սովի է հասցրել» կարգախոսների ներքո է անցկացվել կիրակնօրյա ցույցը Թունիսի կենտրոնում:
«Պարզ է դարձել, որ փողոցը պաշտպանում է վերադարձը ժողովրդավարության ճանապարհին»,- ասել է ցրված խորհրդարանի ղեկավարի տեղակալը, որը, ինչպես եւ Սայիդի բոլոր հակառակարոդները, վերջինիս մեղադրում են հեղաշրջման մեջ:
Սայիդն իր միանձնյա կառավարությունն ամրապնդել է անցյալ տարի գործադիր իշխանության զավթման պահից ի վեր՝ ցրելով խորհրդարանը եւ հայտարարելով, որ հանրաքվեի միջոցով կփոխի ժողովրդավարական սահամանդրությունը:
