Հյուսիսային Կորեայում մեկ օրվա ընթացքում բարձր ջերմությամբ ավելի քան 392 000 պացիենտ է հայտնաբերվել։ Այս մասին հայտնում է Հյուսիսային Կորեայի Կենտրոնական հեռագրական գործակալությունը (ԿԿՀԳ)։
«Մայիսի 14-ի երեկոյից մինչեւ մայիսի 15-ի ժամը 18.00-ը պետական մասշտաբով բարձր ջերմությամբ պացիենտների թիվն ավելացել է ավելի քան 392 920-ով, ապաքինվել է ավելի քան 152 600 պացիենտ, մահացել է 8 մարդ»,- ասվում է հաղորդագրության մեջ։
Ապրիլի վերջից այս ախտանիշով հիվանդների ընդհանուր թիվը կազմում է ավելի քան 1,213 հազար, որից ավելի քան 564,8 հազարը բուժվում է։
50 մարդ մահացել է։
Հարավկորեական Yonhap գործակալության փոխանցմամբ՝ ԿԺԴՀ-ում «տենդ» բառով կորոնավիրուսն են անվանում։ Դա պայմանավորված է վիրուսի թեստավորման եւ վարակը հաստատող այլ սարքավորումների բացակայությամբ:
