Քաղաքացիները Աջափնյակում փակել են ճանապարհը և վանկարկում են՝ «առանց Նիկոլ Հայաստան»: Այստեղ եւս ոստիկանները սկսեցին բերման ենթարկել անհնազանդության ակցիայի մասնակիցներին: Բերման ենթարկելու ժամանակ ոստիկանների գործողությունների արդյունքում վատացել է քաղաքացիներից մեկի ինքնազգացողությունը:
Նշենք, որ «Դիմադրություն» շարժումը վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։ Երևանի տարբեր հատվածներում նրանք փողոցներ են փակել: Մասնավորապես, փակվել են Տերյան-Իսահակյան խաչմերուկը, Պարոնյան փողոցը, Սեւակ-Ռուբինյանց խաչմերուկը եւ այլն: Ոստիկանությունը փորձում է վերականգնել երթևեկությունը։ Կան բազմաթիվ բերման ենթարկվածներ։
