News
Լրահոս
News
Չորեքշաբթի
Հունիս 29
USD
408.31
EUR
429.75
RUB
7.83
Տեսնել լրահոսը


Պատահական չէ, որ այն գործերչը, որոնք գտնվում են դատավոր Դավիթ Արղամանյանի վարույթում, եւ ունեն հասարակական, քաղաքական որոշակի հնչեղություն, արդեն առաջին հարցը ծագում է այն առումով,  թե արդյոք ինքնաբացարկի միջնորդություն ներկայացվելու է թե ոչ: Այս մասին, այսօր՝ մայիսի 19-ին, Երևանի ընդհանուր իրավասության դատարանի, Աջափնյակի նստավայրում լրագրողների հետ զրույցում նշեց Յուրի Խաչատուրովի որդու՝ Իգոր Խաչատուրովի պաշտպան Միհրան Պողոսյանը:

Նշենք, որ այս պահին դատարանը քննում է Իգոր Խաչատուրովի խափանման միջոցի հարցը, ինչպես նաեւ ձերբակալման իրավաչափության հարցը:

«Դա նշանակում է, որ անաչառ  դիտորդի մոտ Դավիթ Արղամանյանի անաչառության վերաբերյալ կասկածներ կան: Հասարակակն, քաղաքական գործերով Դավիթ Արղամանյանի մոտ առկա է անաչառության շատ մեծ դեֆիցիտ»,-ասաց Պողոսյանը:

Նա տեղեկացրեց, որ առանց իրեն Իգոր Խաչատուրովին վերել են քննչական մարմին, մեղադրանքի որոշումն են ներկայացնում, որ հասցնեն մինչեւ բողոքի քննարկումը կալանավորումը որպես խափանման միջոց կիրառեու միջնորդություն  ներկայացնելու դատարան. «Առավոտյան ժամը 8.30-ին SMS են ուղարկում, որ ժամը 9-ին նախատեսվում է քննչական գործողություն: Հասկանալի է, որ կես ժամը բավարար քննչական գործողությանը պատրաստվելու համար:

Ես պնդում եմ, որ Իգոր Խաչատուրովի նկատմամբ իրականացվողը կարող է իրականացվել բողոքի ցույցին ներկա գտնվող ցանկացած անձի հանդեպ: Ես ձեզ վստահեցնում եմ, որ որեւէ թույլատրելի, վերաբերելի ապացույց չկա, որը կհիմնավորի, որ  Իգոր Խաչատուրովը որեւէ հանցավոր արարք է կատարել: Բոլոր տեսանյութերով հիմնավորվում է, որ Իգոր Խաչատուրովը որեւէ ոստիկանի չի հարվածել: Ավելին, որեւէ ոստիկան գիտակցությունը չի կորցրել, ինչպես հաղորդել էր ՔԿ-ն: Ոստիկանները պետք է ընտրեն, կամ իրենք մեխի գլուխ են, կամ ստում են, որովհետեւ ըստ գործի հանգամանքների՝ որոշ ոստիկաններ տեսել են, որ Իգոր Խաչատուրովը հարվածներ է հասցնում, բայց որեւէ գործողություն չեն կատարել: Ինչու չկանխեցիք, ինչու բերման չենթարկեցիք:

Մենք պնդում ենք, որ Իգոր Խաչատուրովը որեւէ հանցավոր արարք չի կատարել, այս անհիմն միջնորդությունը պետք է մերժվի»,-ասաց Միհրան Պողոսյանը:

Հիշեցնենք, որ Իգոր Խաչատուրովը ձերբակալվել է մայիսի 17-ին: ըստ Քննչական կոմիտեի տարածած հաղորդագրության՝ քաղաքացիական անհնազանդության ակցիաների ժամանակ ոստիկանության աշխատակցի նկատմամբ բռնություն գործադրելու կասկածանքով:

 

 

 

Տպել
Ֆոտոռեպորտաժներ