ՆԱՏՕ-ի գլխավոր քարտուղար Յենս Սթոլթենբերգն ընդգծել է ռուսական սպառնալիքին հակազդելու դաշինքի կամքն ու կարողությունը, փոխանցում է DW-ն։
«Մենք կարող ենք անմիջապես պատասխանել ցանկացած ագրեսիայի»,- ասել է նա Դավոսի Համաշխարհային տնտեսական ֆորումին իր ելույթի ժամանակ։ Միաժամանակ Սթոլթենբերգն ընդգծել է, որ Հյուսիսատլանտյան դաշինքը չի ցանկանում հակամարտություն հրահրել, այլ խաղաղության է ձգտում:
Նա հիշեցրել է, որ ՌԴ նախագահ Վլադիմիր Պուտինը իր երկրի սահմանների մոտ ՆԱՏՕ-ի ընդլայնում չէր ցանկանում եւ դրա պատճառով պատերազմ սկսեց։
«Ընդ որում, Պուտինը հակառակին հասավ. Ռուսաստանի Դաշնության սահմանների մոտ ՆԱՏՕ-ն ավելի շատ կլինի»,- հավելել է Ստոլտենբերգը՝ մատնանշելով Ֆինլանդիայի եւ Շվեդիայի՝ դաշինքին միանալու դիմումները։