Մոսկվայի Բասմանի դատարանը հեռակա կալանավորել է «Ի՞նչ, որտե՞ղ, ե՞րբ» հեռուստավիկտորինայի մասնակից Ռովշան Ասկերովին՝ նացիզմի վերածննդի գործով։
Նա երկու ամսով կկալանավորվի ձերբակալման կամ Ռուսաստան արտահանձնվելու պահից, «Ինտերֆաքս»-ին ասել է դատարանի մամուլի քարտուղար Եկատերինա Բուրավցովան։
Մայիսի 11-ին Ասկերովի նկատմամբ միջազգային հետախուզում է հայտարարվել։
Նրա նկատմամբ ապրիլի վերջին հարուցվել է քրեական գործ՝ Քրեական օրենսգրքի 354.1-րդ հոդվածի 4-րդ մասով։ Պատճառը սոցցանցում մարշալ Գեորգի Ժուկովի մասին գրառումն է, որը պարունակում է կանխամտածված կեղծ տեղեկություններ, որոնքվիրավորում եւ վարկաբելում են մարշալի հիշատակը։
