News
Լրահոս
News
Կիրակի
Հունիս 26
USD
408.56
EUR
430.54
RUB
7.67
Տեսնել լրահոսը

Հանրապետության նախկին նախագահ Արմեն Սարգսյանը շնորհավորել է Հորդանանի Հաշիմյան Թագավորության թագավոր, Նորին Մեծություն Աբդալլահ Երկրորդին երկրի ազգային տոնի առթիվ:

«Ձերդ Մեծություն, Թանկագին բարեկամ, Մեծագույն ուրախությամբ ցանկանում եմ անկեղծ շնորհավորանքներս և ջերմ բարեմաղթանքներս հղել Ձեզ և բարեկամ Հորդանանի ժողովրդին ազգային տոնի՝ Անկախության օրվա առթիվ:

Հարուստ պատմություն և ավանդույթներ ունեցող Ձեր երկիրը շատ իմաստուն կարգախոս ունի՝ «Աստված, Հայրենիք, Թագավոր» կարգախոս, որի հիմքում Հորդանանի ժողովրդի՝ դարերով դավանած արժեքներն են:

Դրանք մնայուն և անանց են, ինչպես սրբազան Հորդանան գետը, անսակարկելի, ինչպես խաղաղությունը, ազատությունը և անկախությունը: Բնական է այդ արժեքների գինը շատ լավ իմացող իմ ժողովրդի հոգեհարազատության զգացումը Հորդանանի բարեկամ ժողովրդի հանդեպ:

Բավականությամբ եմ ուզում նշել, որ այդպիսի մթնոլորտ է տիրել թե Հորդանանում և թե Հայաստանում Ձեզ հետ ունեցած՝ ինձ համար հիշարժան հանդիպումների ընթացքում:

Ուրախ կլինեմ, թանկագին բարեկամ, վերստին հանդիպել Ձեզ, ինչպես նաև իմ ուժերը ծառայեցնել մեր ժողովուրդների բարեկամությունն ամրապնդելուն: Մաղթում եմ Ձեզ առողջություն և արևշատություն, իսկ Հորդանանի բարեկամ ժողովրդին՝ խաղաղություն, կայունություն և բարգավաճում»,-նշել է Արմեն Սարգսյանը:

Տպել
Ֆոտոռեպորտաժներ