Ռուսաստանի նախագահ Վլադիմիր Պուտինը հայտարարել է, որ Ռուսաստանի Դաշնությունը չի խոչընդոտում հացահատիկի արտահանմանն Ուկրաինայից, գրում է «Կոմսոմոլսկայա պռավդա»-ն:
«Մենք չենք խոչընդոտում ուկրաինական հացահատիկի մատակարարմանը: Չէ որ այդ մենք չէինք ականապատել նավահանգիստները»,- ասել է պետության ղեկավարը Սանկտ Պետերբուրգի միջազգային տնտեսական ֆորումին իր ելույթի ժամանակ։
Վլադիմիր Պուտինի խոսքով՝ խնդիրը Ռուսաստանի մեջ չէ, այլ՝ «Կիեւում մարդկանց ադեկվատության»։ Պուտինը նաեւ տխուր է անվանել այն փաստը, որ հացահատիկը կարող է օգտագործվել Ուկրաինային մատակարարվող զենքի դիմաց վճարելու համար։
Ռուսաստանի նախագահը նաեւ նշել է, որ «ԵՄ-ում հասկացել են, որ հիմարություն են արել՝ սննդամթերքի նկատմամբ պատժամիջոցներ կիրառելով, բայց հետ գնալ արդեն անհնար է»։
«Այդ ամերիկացիներն են պատժամիջոցներ կիրառել մթերքի դեմ, իսկ հետո կանգնեցին։ Իսկ ԵՄ-ումէ ոչ։ Բոլորը հասկանում են, որ հիմարություն են արել, բայց հետ դառնալ արդեն անհնար է»,- ասել է ՌԴ ղեկավարը՝ մեկնաբանելով Ռուսաստանի դեմ եվրոպական պատժամիջոցները։