Բրյուսելի գագաթաժողովում Ուկրաինային թեկնածուի կարգավիճակ տրամադրելու  վերաբերյալ առաջնորդների բանակցությունները բարդացել են։ 

Այս մասին Twitter-ում գրել է Ազատություն ռադիոկայանի թղթակից Ռիկարդ Յոզվիակը, գրում է European Truth-ը։ 

«Եվրախորհրդում Ուկրաինային եւ Մոլդովային թեկնածուի կարգավիճակ տալու վերաբերյալ բանակցությունները որոշ չափով ավելի բարդ են, քան ենթադրվում էր, քանի որ որոշ երկրներ ցանկանում են թեկնածուի կարգավիճակ ստանալ նաեւ Բոսնիայի համար»,-գրել է նա:

Ավստրիայի կանցլեր Կառլ Նեհամմերը գագաթաժողովից առաջ ասել է, որ Բոսնիան պետք է արժանանա նույն վերաբերմունքին, ինչ Ուկրաինան եւ Մոլդովան, որպեսզի դառնա ԵՄ թեկնածու՝ նախքան նախապայմանների կատարումը։

Politico-ն հայտնում է նաեւ, որ գագաթաժողովում ակտիվորեն քննարկվում է Բոսնիայի հարցը։ Ավելին, պաշտոնյաներն աշխատում են երկրի վերաբերյալ եզրակացությունները վերամշակելու ուղղությամբ։