Սոսենսկոյե բնակավայրի՝ ծագումով ադրբեջանցի բնակիչը դիմել է իրավապահ մարմիններին՝ իր 15-ամյա դստեր առեւանգման մասին հայտարարությամբ, հայտում է mk.ru-ն։

Դիմումատուի խոսքով՝ նախօրեին իրեն զանգահարել էր մոտ 40 տարեկան ադրբեջանցի տղամարդ եւ հայտնել, որ ամուսնանալու նպատակով տարել է իր անչափահաս երեխային։

Որոշ ժամանակ անց ոստիկանություն էր դիմել նաեւ դեռահասի մայրը եւ հայտարարել, որ դստեր որոնումը պետք է դադարեցվի, քանի որ առեւանգողի նկկատմամբ որեւէ պահանջ չկա։ Նրա կարծիքով՝ աղջկա նկատմամբ ոչ մի վատ բան չի արվել։

Ավելի ուշ անչափահասը զանգահարել եւ ծնողներին ասել էր, որ իրեն փնտրելու կարիք չկա, քանի որ իր կամքով է գնացել տղամարդու հետ։ Աղբյուրի փոխանցմամբ՝ աղջիկը հաշվառված չէ որեւէ ուսումնական հաստատությունում եւ որպես մատնահարդար է աշխատում։