Իրանի Իսլամական Հանրապետության Արտաքին գործերի նախարար Հոսեյն Ամիր Աբդոլլահյանն ասել է, որ Սիրիայի հյուսիսում Թուրքիայի ցանկացած ռազմական գործողություն տարածաշրջանում անկայունության եւ անապահովության կհանգեցնի, հայտնում է Mehr լրատվականը:
Նախարարը նշել է, որ տարածաշրջանում արտաքին ուժերի կողմից ցանկացած միջամտություն սխալ է եւ իրավիճակի սրման կհանգեցնի:
«Մենք բոլոր ուժերով կկանգնենք Սիրիայի կողքին՝ ահաբեկչության դեմ պայքարու: «Մենք դեմ ենք Սիրիայի դեմ ցանկացած ռազմական գործողության»,- ասել է Իրանի արտգործնախարարը՝ հաստատելով՝ Սիրիայում քաղաքական ճգնաժամի կարգավորման ցանկացած ծրագիր տրամադրելու Իրանի պատրաստակամությունը: Դիվանագետը նշել է, որ իրան-սիրիական հարաբերությունները ռազմավարական են:
Աբդոլլահյանը շեշտել է, որ Իրանն իր ընկերներին երբեք մենակ չի թողել եւ չի թողնի:
Երեկ Իրանի Իսլամական Հանրապետության ԱԳ նախարարը ժամանել է Դամասկոս՝ բարձրաստիճան պաշտոնյաների հետ բանակցելու նպատակով: Օդանավակայանում դիվանագետին դիմավորել է իր գործընկեր Ֆեյսալ Մեքդադը, ում հետ համատեղ մամուլի ասուլիս է կայացել ավելի ուշ: