News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

ՀՀ ԱԱԾ ծառայողների կողմից իրականացված օպերատիվ-հետախուզական միջոցառումների արդյունքում տվյալներ էին ստացվել անձանց կողմից քրեական աստիճանակարգության բարձրագույն կարգավիճակը պահպանելու, քրեական աստիճանակարգության բարձրագույն կարգավիճակ ունեցող անձի կողմից քրեական ենթամշակույթ կրող խմբավորում ստեղծելու և ղեկավարելու, ինչպես նաև մի շարք անձնաց կողմից քրեական ենթամշակույթ կրող խմբավորմանը մասնակցելու և դրա հետապնդած նպատակների իրականացմանը ներգրավված լինելու վերաբերյալ:

Դատախազությունից NEWS.am-ին հայտնում են, որ բավարար հիմքերի առկայության պայմաններում դեռևս 2022թ. ապրիլի 7-ին համապատասխան հոդվածներով հարուցվել էր քրեական գործ:

Քրեական վարույթի ընթացքում ՀՀ գլխավոր դատախազության համակարգմամբ ՀՀ քննչական կոմիտեի և ԱԱԾ-ի աշխատակիցների համատեղ գործողությունների արդյունքում ձեռք են բերվել բավարար փաստական տվյալներ այն մասին, որ քրեկան աստիճանակարգության բարձրագույն կարգավիճակ ունեցող, այսպես կոչված «օրենքով գող» «Ս.Ա.»-ն  ղեկավարել է քրեական ենթամշակույթ կրող խմբավորում, որոնց միջոցով տարբեր անձանց տվել է հանձնարարություններ, զբաղվել մասնավոր հարցերի լուծմամբ:

Բացի այդ, «Ս.Ա.»-ն քրեական ենթամշակույթ կրող խմբավորման սահմանած և ճանաչած վարքագծի կանոնների համաձայն՝ խմբավորման հետապնդած նպատակների իրականացման համար քրեական ենթամշակույթ կրող խմբավորմանը մասնակցած և դրա հետապնդած նպատակների իրականացմանը ներգրավված տարբեր անձանց միջոցով, վերջիններիս գործողությունների հստակ դերաբաշխման եղանակով, կազմակերպել է տարբեր անձանցից, ինչպես նաև քրեակատարողական հիմնարկներից դրամական միջոցների հավաքագրումը և տնօրինել քրեական ենթամշակույթ կրող խմբավորման միջոցով ստացված անօրինական օգուտը, այսպես կոչված, որպես «օբշակ» հավաքագրված գումարը:

Ձեռք բերված բավարար ապացույցների համակցությամբ մինչդտական վարույթի նկատմամբ հսկողություն իրականացնող դատախազի 2022թ. հուլիսի 6-ի որոշումներով քրեական ենթամշակույթի հանցակազմերով քրեական հետապնդում է հարուցվել 7 անձի նկատմամբ, որոնցից 3-ը՝  քրեական աստիճանակարգության բարձրագույն կարգավիճակ ունեցող անձինք են, այդ թվում 2-ը՝ այսպես կոչված, «օրենքով գող»:

6 անձ ձերբակալվել է, կատարված խուզարկություններով հայտնաբերվել և առգրավվել է շուրջ 180.000 ԱՄՆ դոլար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նոր Արեշի բարձրահարկ շենքերից մեկի բակում 39-ամյա տղամարդու դի է հայտնաբերվել
Այսօր՝ ժամը 16:30-ի սահմաններում, Երևանի 103 շտապօգնության 4-րդ ենթակայանից ․․․
Երկու վանաձորցի տղամարդու մոտ հայտնաբերվել է ապօրինի զենք եւ թմրանյութ
Նշանակվել են փորձաքննություններ․․․
45-ամյա տղամարդու կողմից երկու անձի առողջությանը ծանր վնաս պատճառելու գործով նախաքննությունն ավարտվել է
Աղմուկի ձայները լսելով՝ մոտեցել և միջամտել են նաև մոտակա շենքի մի խումբ երիտասարդ բնակիչներ․․․
Ֆրանսիայի հարավ-արեւմուտքում անտառային հրդեհներ են մոլեգնում
Ֆրանսիայի հարավ-արեւմուտքում մոլեգնում են անտառային հրդեհները, որոնք ավերել են 16 տուն, այրել 6000 հեկտար եւ ստիպել մոտ 6000 մարդու ․․․
«Դիլիջան ազգային պարկի» «Շամախյան» տեղամասի անտառապահը 2 ուռենի է ապօրինի հատել
40-ամյա անտառապահը ձերբակալվել է և մեքենայով հանդերձ տեղափոխվել ոստիկանության Դիլիջանի բաժին...
Մեղրաձորում հայր ու որդի վիճաբանել են համագյուղացու հետ, որն էլ դանակահարել է 21-ամյա տղային
Հրազդանի բաժնում հաղորդում է ստացվել «Հրազդան» բժշկական կենտրոնից, որտեղ «որովայնի կտրած-ծակած վերքեր» ախտորոշմամբ բուժօգնության էր տեղափոխվել...
Ֆոտոռեպորտաժներ