Ազգային արժույթի ամրապնդման հաշվին Հայաստանում գնաճի ցուցանիշը բարձր չի եղել։ Այս մասին հուլիսի 14-ին ֆինանսավարկային եւ բյուջետային հարցերի մշտական խորհրդարանական հանձնաժողովի արտահերթ նիստում ասաց Կենտրոնական բանկի նախագահ Մարտին Գալստյանը՝ մեկնաբանելով ԿԲ քաղաքականությունը, որը գնաճը զսպելու որեւէ քայլ չի ձեռնարկել։
Նրա խոսքով, հաշվարկների համաձայն, եթե ապրիլ, մայիս եւ հունիս ամիսներին դրամի ամրապնդում չլիներ, մայիսին նույն տարվա ապրիլի համեմատ գնաճը կլիներ ոչ թե 0,1 տոկոս, այլ 0,9 տոկոս։
«Այսինքն՝ 9 անգամ ավելի բարձր կլիներ։ Եթե դրամի աամրապնդում չլիներ, Հայաստանում ամեն ամիս գների 1 տոկոս աճ կդիտարկվեր։ Նախնական հաշվարկներով մեզմոտ գնաճի ցուցանիշը 3 տոկոսով ավելի բարձր կլիներ»,- ասաց Գալստյանը։